Asembleja e Përgjithshme e OKB-së e ka emëruar zyrtarisht Antonio Guterres-in si sekretar të ri të përgjithshëm të Kombeve të Bashkuara.
Rezoluta që e emëron Guterres-in në detyrën e lartë u miratua me duartrokitje nga përfaqësuesit e 193 shteteve anëtare të Asamblesë së Përgjithshme.
Ai do të ketë një mandat pesëvjeçar, dhe puna në postin e ri nis më 1 janar të 2017-s.
Ish-kryeministri i Portugalisë, që përgjatë dhjetë viteve të fundit shërbeu si drejtuesi i UNHCR-së, u zgjodh një javë më parë nga Këshilli i Sigurimit pas gjashtë votimeve, për t’ia lënë miratimin Asamblesë së Përgjithshme.
Guterres do ta marrë postin e sekretarit të përgjithshëm të OKB-së nga Ban Ki-Moon, që në fund të këtij viti mbaron mandatin e tij të dytë pesëvjeçar. /tesheshi.com/
