Një grup gjerman tha se kishte dokumentuar më shumë se 2700 incidente në vend vitin e kaluar, duke përfshirë 63 sulme dhe gjashtë raste të dhunës ekstreme.
Departamenti për Kërkime dhe Informacion mbi Antisemitizmin (RIAS) tha në një raport se nxitësit kryesorë të incidenteve të raportuara ishin teoritë konspirative antisemite në lidhje me virusin pandemik korona dhe kritikat antisemite të konfliktit në Lindjen e Mesme.
Ndër incidentet e regjistruara ishin edhe vepra penale, raporton AP.
Komisioneri gjerman për Antisemitizmin Felix Klein e përshkroi numrin e incidenteve në raportin e RIAS si të frikshëm, duke shtuar se “në të njëjtën kohë, çdo incident i regjistruar është një hap drejt reduktimit” të numrit të tyre.
Raporti thekson se ekstremistët e krahut të djathtë ishin përgjegjës për 17 për qind të incidenteve dhe se më shumë se gjysma e incidenteve të regjistruara antisemitike nuk mund t’i atribuohen ndonjë qëndrimi të veçantë politik.
Shpërthimet antisemite prekën gjithsej 964 njerëz, jo vetëm hebrenj. /tesheshi.com/
