Kërcasin prangat në Tiranë duke marrë me vete njeriun kryesor të tatimeve të kryeqytetit. Prokuroria dhe policia kanë arrestuar, Androkli Kokthi, njeriun më të fuqishëm të tatim taksave i cili ka mbi 14 vjet në këtë drejtori dhe prej dy vjetësh është në postin e drejtorit.
Kokthi, 40 vjeç mësohet të jetë arrestuar pas një hetimi disamujor të zhvilluar ndaj tij, mbi bazën e dyshimeve për shpërdorim detyre.
Sipas informacioneve paraprake, dyshohet se drejtori i Tatimeve, Androkli Kokthi ka abuzuar me mallrat e sekuestruara nga Tatimet, në vlera të mëdha financiare.
Sipas njoftimit të Policisë, prokuroria ka lëshuar urdhërndalimin ndaj tij, pasi është vërtetuar në një rast kthimi i mallit të sekuestruar kundrejt një subjekti në kundërshtim me ligjet. Por, ka dyshime edhe për raste të tjera, që janë ende nën hetim.
/tesheshi.com/
