Drejtori i Agjencisë Kundër Korrupsionit, Shaip Havolli, në një konferencë për media ku ka prezantuar raportin e punës për vitin 2016 ka bërë të ditur se janë mbyllur 160 raste në mungesë të provave, kurse 45 raste janë nën hetime ku dyshohet për korrupsion dhe për deklarim të rremë të pasurisë.
Ai më tej ka njoftuar se kanë dorëzuar në prokurori 28 raste me kallëzime penale ndaj 44 personave që dyshohen për keqpërdorim të detyrës zyrtare.
“Luftimi i korrupsionit nuk duhet të jetë kusht për liberalizim por të jetë primar për të gjitha institucionet shtetërore, është koha e fundit që kjo luftë të bohet me të vërtetë”, ka deklaruar Havolli.
Ai më tej tha se janë 18 zyrtarë që nuk kanë deklaruar pasurinë dhe ndaj tyre janë ngritur kallëzime penale gjatë vitit 2016. /tesheshi.com/
