Komisionerja për të Drejtat e Njeriut në Këshillin e Evropës, Dunja Mijatoviç ka përgënjeshtruar kryeminsitrin Rama në pretendimin e këtij të fundit se ligji “anti-shpifje”, i cili është planifikuar të kalojë nesër në Kuvend, ka “Ok” ndërkombëtar.
“Jam shumë e shqetësuar të mësoj se këtë javë Parlamenti shqiptar vazhdoi me shqyrtimin e dy projekt-ligjeve, të njohura si “paketa anti-shpifje”. Këto ligje kanë nevojë urgjente për përmirësim. Disa dispozita nuk janë në përputhje me standardet ndërkombëtare dhe evropiane për të drejtat e njeriut që mbrojnë lirinë e shprehjes dhe lirinë e medieve”, thuhet në një reagim të saj.
“Unë jam veçanërisht e shqetësuar që kompetencat diskrecionale që u janë dhënë organeve rregullatore, mundësia e vendosjes së gjobave të tepërta dhe bllokimi i faqeve të internetit të mediave pa një vendim gjyqësor, si dhe prezantimi i rregullimit shtetëror të mediave në internet, mund të sjellin një goditje të fortë për lirinë e shprehjes dhe liria e mediave në vend”, shton Mijatoviç. /tesheshi.com/
