Siç pritej mosdekretimi nga ana e Presidentit Meta të ligjit Anti-Shpifje, ashtu pritej dhe reagimi i mazhorancës, e cila me anë të nr.2 Taulant Balla, paralajmëroi se do e çojë sërish në Kuvend për miratim, pra për ta zhvlerësuar mosdekretimin presidencial, gjë që i hap rrugë hyrjes në fuqi.
Ndaj, Meta ka kërkuar së fundi që kjo të mos ndodhë, me bindjen se ai ka patur argumenta kur ka refuzuar ta dekretojë.
“Eshtë koha për të reflektuar dhe për të mos ecur me kokëfortësi në rrugën e censurës dhe autoritarizmit, që do të përbënte rrezik për të ardhmen europiane të Shqipërisë. Edhe njëherë, i ftoj të gjithë të lexojnë me vëmendje argumentat kushtetuese dhe ligjore të kthimit për rishqyrtim në Kuvend të paketës së ashtuquajtur “anti-shpifje”, shprehet kreu i shtetit. /tesheshi.com/
