Ka provokuar reagime në kampin opozitar, shpallja e Task-Forcës anti-krim të FBI-së nga kryeministri Rama, temë kryesore në fjalimin e fundjavës. Nga PD-Edi Paloka e nga LSI-Petrit Vasili, të dy me nga një status në Facebook, kanë bërë ironi me deklarimet e shefit të qeverisë.
Paloka: Rama, Task-Force per zbulimin e lidhjeve te krimit me politiken…?!! Me siguri do zbuloje qe me krimin eshte e lidhur opozita. Madje dhe per deputetet e inkriminuar te rilindjes dhe per Tahirin dhe per gjithe llumin e krimit ne administraten e rilindjes , te jeni te bindur qe “fajin e ka opozita dhe mediat e kazanit”
Petrit Vasili: Kryeministri i krimit të organizuar do luftojë krimin e organizuar??
Kryeministri na tha se qeveria do miratoka Task Forcë në policinë e shtetit për të luftuar krimin e organizuar.
Kryeministri i krimit të organizuar qeveritar do luftoka krimin e organizuar ha ha ha. Gajasje e madhe shumë.
Megjithatë një meritë duhet t’ja njohim shkollëpakut që gënjen me seriozitet dhe nuk qesh.
Duhet Task Forcë popullore që të largojë kryeministrin që i tha policisë hidhni kapelet bëni vota për rilindjen dhe u përqafua me kriminelët dhe trafikantët. /tesheshi.com/
