Arka shtetërore saudite mësohet të ketë mbledhur mbi 100 miliard dollarë nga marrëveshjet anti-korrupsion me një sërë biznesmenësh e njerëz parelinj të elitës, mbajtur të bllokuar në një variant modern paraburgimi në një hotel luksos të Riadit, “Ritz Carlton”.
Shifra është bërë me dije nga Prokurori i përgjithshëm i Mbretërisë, Saud al-Mujib.
Ditë më parë, nga hoteli ku mbahej i paraburgosur doli dhe princi i njohur Alealeed që muaj më parë erdhi dhe vizitoi Shqipërinë duke premtuar investime në turizëm.
“Vlera e përgjitshme e marrëveshjeve të arritura kap shifrat prej 400 miliardë rijalë”, thuhet në një komunikatë të shkruar të Al-Mujibit.
Ai tha se marrëveshjet në fjalë përfshijnë në vete asete të ndryshme, përfshirë patundshmëri, etnitete komerciale, para të gatshme etj.
Prokurori Al-Mujib tha se totali i të arrestuarve në kuadër të fushatës anti-korrupsion, tashmë ka arritur në 381 persona.
E gjithja nisi nëntorin e kaluar, kur në kuadër të një fushate gjithëpërfshirëse anti-korrupsion, autoritetet saudite arrestuan dhjetra figura publike, përfshirë biznesmenë, princa dhe ish-ministra.
Kësaj fushatë i parapriu formimi i një komiteti anti-korrupsion të drejtuar nga princi i kurorës, Mohamed bin Salman. /tesheshi.com/
