Zv/kryeministri Erion Braçe është treguar i vendosur për të ndëshkuar çdo biznes, sado i madh, i cili bën evazion fiskal. Madje ai përzgjodhi dy sosh, Havanën e Tajvanin, duke u dërguar sinjal pronarëve të tyre se do përballen me ligjin për kërcënim tatimorësh.
“Apel të gjithë administratorëve dhe pronarëve që kanë qenë në vëzhgim. Kërcënime ndaj nëpunësit të shtetit do të ndëshkohen pa mëshirë. I kërkoj administratorëve të Tajvanit dhe Havanës se çdo kërcënim i paraqitur ndaj inspektorëve që do të përballen me ligjin. Çdo gërmë kërcënuese do trajtohet si krim. Pavarësisht se presidenti nuk na e dha mundësinë për të vënë në zbatim kodin penal, ne do bëjmë aq sa na lejon ligji”, tha nr.2 i qeverisë.
Braçe paralajmëroi gjithashtu që të mos guxojnë t’i bien celularit të tij.
“Mos t’i bien celularit fare, dhe as mos të shkruajnë në rrjetet sociale. Kush shan merr mbrapsht mënyrën si adresohet dhe drejtohet”, tha zëvëndësi i Ramës.
Për Braçen, as nuk ka e as nuk do ketë tolerim për ndonjë biznes, në fushatën e re që ka nisur kundër informalitetit.
“Gjatë këtyre 10 ditëve drejtoria e tatim-paguesve ka bllokuar llogarinë e 22 prej tyre. Disa kanë reaguar ndërsa disa të tjerë nuk kanë reaguar. Prej tyre kanë rënë telefonat e drejtorëve, deputetëve dhe disa ministrave. Po e përsëris. Mos u lodhni kot. Asnjë telefon nuk iu ndihmon dot.
Beteja për të formalizuar çdo transaksion përfshirë edhe shërbimet në restorante dhe bare në vijën bregdetare është fokusuar tek njësitë e mëdha, Nuk kërkojmë prej tyre asgjë veç detyrimeve, kupon tatimor për çdo blerje dhe shitje. Janë mbyllur disa njësi.
Nuk ju duhet as gjoba dhe as mbyllja e njësisë së tyre, Na duhet të punojnë ligjërish dhe të paguajnë detyrimet. Ata që kanë nisur këngën që po i mbyllni për një kupon , dua t’iu them se nuk bëhet fjalë për asgjë përveç zbatimit të ligjit. Secili prej tyre do kalojë në procesin e rivlerësimit”, tha zv/kryeministri Braçe. /tesheshi.com/
