Një operacion gjigand anti-drogës mes Shqipërisë, Belgjikës dhe Gjermanisë, ku në pranga kanë rënë 6m shtetas shqiptarë, mes tyre dy nga fisi Rraja në Fushë Krujë.
Fjala është për Musa Gjikolën, Genti Balliun alias Flamur Balliu, Ramazan Rraja, Fioralb Rraja, Bledar Pepaj, Fatmir Xhecuka.
Të gjithë këta janë arrestuar jashtë territorit shqiptar.
“Operacioni u zhvillua prej datës 15 dhjetor deri më datën 21 dhjetor, në Shqipëri dhe Belgjikë”, saktëson deklarata e Policisë.
Më tej, thuhet se “gjatë vitit 2018, antidroga e Policisë së Shtetit, në bashkëpunim me Policinë gjermane ka zhvilluar operacionin policor të koduar ‘Paraguaj’, si rezultat i të cilit është sekuestruar rreth 1 ton kokainë dhe janë vënë në pranga 10 shtetas shqiptarë.
Më pas, operacioni ka vijuar duke u thelluar hetimet, për të identifikuar dhe arrestuar drejtuesit e grupit të strukturuar kriminal që merrej me trafikimin e kokainës nga Amerika Latine në drejtim të Belgjikës, Holandës dhe Gjermanisë”.
Operacioni më i fundit quhet “ATOS” dhe, droga që trafikohej, ishte pjesë e rrugës së bananeve, pra, me ngarkesa nga Amerikane Latine.
“Si rezultat i hetimeve të përbashkëta u bë i mundur identifikimi i krerëve të këtij grupi dhe në këtë kuadër, prej datës 15 dhjetor deri në datën 21 dhjetor 2020, u organizua dhe finalizua operacioni i përbashkët antidrogë i koduar ‘ATOS’.
Ky grup kriminal funksiononte duke ngarkuar lëndën narkotike në kontenierët e bananeve nga Amerika Latine, duke e fshehur lëndën narkotike në arkat e bananeve dhe në trupin e kontenierëve.
Pasi kontenierët e pajisur nga trafikantët me GPS mbërrinin në destinacion, trafikantët, për të mos u identifikuar dhe zbuluar, organizonin vjedhje me armë të lëndës narkotike nga magazinat ose dhomat e pjekjes së bananeve”, thuhet në sqarimin policor. /tesheshi.com/
