Prej sot, dy pikat kufitare me Greqinë, Kakavija dhe Kapshtica, do funksionojnë vetëm nga ora 6 e mëngjesit e deri në 22 të mbrëmjes.
Më pas, gjatë natës, do qëndrojnë të mbyllura. Kjo, në kuadër të masave të reja anti-COVID të ndërmarra nga qeveria greke.
Nga ana tjetër, të drejtën për të hyrë në territorin grek nga Shqipëria, nuk e ka çdokush.
Lejohen të kalojnë kufirin vetëm tre kategori: shtetas grekë, shtetas shqiptarë e të huaj me leje qëndrimi greke, si dhe minoritarë me kartën përkatëse.
Ndërsa nga 16 gushti e tutje, kush hyn në territorin grek, do detyrohet të karantinohet për një javë. /tesheshi.com
