Italiani i pankinës kuq e zi, Kristian Panuçi, e ka bërë të qartë tashmë se Ansi Agolli nuk është më ndër të preferuarit e tij e aq më pak kapiten. Në një dalje për shtyp në prag të miqësores me Norvegjinë, Panuçi qe i qartë:
“Kam biseduar me Agollin dhe jemi sqaruar. Në shtator ai mbush 36 vjeç, në qoftë se do të kem nevojë do ta kem në kosideratë. Do të kisha dashur ta trajnoja kur ai ishte 28-30 vjeç”, tha Panuçi.
Sa për shiritin e kapitenit, ai tha se atë do e mbajë lojtari me më shumë ndeshje me kombëtaren. Gjithashtu, italiani në krye të kuqezinjve, bëri me dije se të rinjtë do jenë vizioni i tij:
“Kam obligimin për të kërkuar lojtarë të rinj. Po thërrasim lojtarë të rinj dhe deri në qershor do të provoj lojtarë të rinj. Një bazë e kam vendosur, por do të thërrasë lojtarë të rinj”
“E ndjek kampionatin shqiptar. Gavazaj dhe Abazaj janë dy të rinj të talentuar të cilët në përballjen 1 me 1 janë tepër të fortë. Më pëlqejnë“, theksoi Panuçi. /tesheshi.com/
