Grupi ndërkombëtar Anonymous kërcënoi Aleksandar Vuçiçin, por nuk u desh të prisnin gjatë për përgjigjen e presidentit serb.
“Përshëndetje qytetarë të botës, ky është mesazhi i Anonymous për presidentin e Serbisë, Aleksandar Vuçiç: Kemi vërejtur se grupet kriminale serbe po tentojnë të provokojnë konflikt të armatosur me tensione dhe provokime luftarake në veri të Kosovës.
Presidenti autokratik serb Aleksandar Vuçiç, një kukull e Vladimir Putinit, po përpiqet të destabilizojë rajonin duke përdorur mekanizmat e dhunës dhe terrorit të kriminelit të luftës Slobodan Millosheviç, por dihet se përpjekjet e tij do të jenë vetëvrasëse.
Në kulmin e luftës në Ukrainë, Serbia mbeti i vetmi vend që deklaroi zyrtarisht një aleancë me Rusinë, duke hedhur poshtë thirrjet e vazhdueshme nga Perëndimi për t’iu bashkuar sanksioneve të Bashkimit Evropian. Dhe jo vetëm kaq, por Vuçiç, kukulla e Putinit, tregoi edhe një herë zellin e tij luftarak, si shkatërrues i stabilitetit rajonal, duke kërcënuar integritetin territorial të Kosovës duke folur për kthimin e forcave serbe në Kosovë…
Nxitja e dhunës, sulmet ndaj gazetarëve, sulmet ndaj policisë, institucioneve të Kosovës dhe atyre me mandat ndërkombëtar, si dhe vendosja e barrikadave dhe përdorimi i strukturave të inkriminuara në veri të Kosovës, është pjesë e strategjisë së qeverisë suaj për të krijuar një gjendje tensioni dhe ta mbajë Kosovën dhe rajonin peng të retorikës së së kaluarës. Por ne nuk do të qëndrojmë indiferentë përballë këtij terrori. Përgjigja jonë kolektive do të jetë vendimtare dhe e menjëhershme. Anonymous nuk është një grup i vogël njerëzish të pafuqishëm për t’u injoruar. Ne jemi një kolektiv i organizuar dhe aktiv globalisht i njerëzve me mendje të njëjtë dhe nëse nuk i ndaloni veprimet tuaja të rrezikshme në Kosovë, mesazhi ynë do të jetë i qartë.
Populli i Kosovës nuk është pa mbështetje. Ne nuk falim. Nuk harrojmë. Na prisni”, thuhet në mesazhin e Anonymous drejtuar Presidentit të Serbisë.
NEW: Anonymous – Message to Serbian President
"#Anonymous is not a small group of powerless people to ignore, we are an organised , globally active, collective of like-minded individuals and our message will be clear, if you don't stop your dangerous actions in #Kosovo." pic.twitter.com/dNOqfmhIdn
— Anonymous TV 🇺🇦 (@YourAnonTV) December 29, 2022
Si reagim, Vuçiç ka postuar në Instagram një foto të tij duke luajtur me qentë me një përshkrim ironik:
“Ne po përgatitemi të luftojmë kundër Anonymous”. /tesheshi.com/
