Grupi i hakerëve Anonymousi i tha presidentit serb Aleksandar Vuçicc që t’i priste ata, me pretendimet se ata hoqën faqen e internetit të Ushtrisë Serbe.
Në një sërë postimesh në Twitter, ata thanë se ishte vetëm fillimi dhe se së shpejti do të ishin dëshmitarë të “surprizave të jashtëzakonshme në emër të tyre”.
Reagimi i këtij grupi hakerësh ka ardhur pasi presidenti serb ka postuar një foto në Instagram ku shihet duke luajtur me qentë, me mesazhin: “Po përgatitemi të luftojmë kundër Anonymous”.
“Do të plotësojmë dëshirën e Vuçiçit”
“Meqenëse jeni gati të na sfidoni, ne do t’jua plotësojmë dëshirën tuaj. Ky është vetëm fillimi, së shpejti do të jeni dëshmitarë të surprizave të jashtëzakonshme në emrin tonë. Na prisni”, tha një nga postimet e grupit të hakerëve në Twitter.
Grupi i hakerëve Anonymousi, i njohur për sulme të shumta hakerash në mbarë botën, në fund të dhjetorit i dërgoi presidentit Aleksandar Vuçiç kërcënimet e para se, nëse nuk i ndal “aksionet në Kosovë”, njerëzit në Kosovë nuk do të jenë pa mbështetje. /tesheshi.com/
