Duke folur nga Gjermania për DW, kryeministri Rama tha se Shqipëria nuk duhet të mos bëhet viktimë e lojërave politike të brendshme të vendeve anëtare të BE-së, sa i përket sfidës së statusit.
“Do të shpresoja që Shqipëria të mos bëhej peng e asnjë dinamike të brendshme politike dhe të mos përdoret si një ‘kokë turku’ për të avancuar axhenda që nuk kanë të bëjnë aspak me atë që ne kemi bërë”, tha shefi i qeverisë shqiptare.
Rama këmbënguli se Shqipëaria e meriton statusin pasi i ka plotësuar detyrimet.
“Ne kemi marrë rekomandimin e qartë dhe pa kushte nga Komisioni Europian dhe kjo nënkupton se kemi përmbushur të gjitha detyrimet. Por, tashmë vendimarrja është e bazuar në gjykimin politik dhe në këtë gjykim ka gjithmonë luftë, kendvështrime dhe interesa të ndryshme”, theksoi Rama. /tesheshi.com/
