Përleshje të reja shpërthyen të hënën në mëngjes midis policisë izraelite dhe palestinezëve në kompleksin e Xhamisë Al-Aqsa në Jeruzalem, përpara një marshimi të planifikuar nacionalist hebre.
Sipas raporteve, palestinezët hodhën gurë ndaj forcave izraelite të sigurisë, të cilat u përgjigjën me bomba trullosëse.
Qindra palestinezë dhe më shumë se 20 anëtarë të policisë izraelite janë plagosur në përleshjet gjatë tre ditëve të fundit.
Ekziston frika nga një valë e re dhune të hënën gjatë marshimit vjetor të Ditës së Jeruzalemit.
Kjo ngjarje shënon pushtimin e Jeruzalemit Lindor, ku ndodhet pjesa e vjetër e qytetit dhe vendet e tij të shenjta. Izraeli pushtoi këtë pjesë të Jeruzalemit në 1967 dhe që nga ajo kohë ka kujtuar pushtimin çdo vit si Dita e Jeruzalemit.
Sionistët e rinj e shënojnë atë duke ecur nëpër zona kryesisht muslimane.
Shumë palestinezë e shohin këtë si një provokim të qëllimshëm.
Dhuna e fundit pasoi një muaj tension, dhe shkas për incidente të reja është kërcënimi i dëbimit të familjeve palestineze.
Gjykata e Lartë e Izraelit duhej të zhvillonte një seancë të hënën në lidhje me apelimin e më shumë se 70 palestinezëve kundër një urdhri dëbimi në favor të një organizate të vendosjes hebraike në rrethinën Shejh Yarrah të Jeruzalemit, por u shty për shkak të trazirave. /tesheshi.com/
https://twitter.com/i/status/1391639415961837569
