Qarqet politike dhe analitike serbe janë të shqetësuar se ç’duhet të bëjë Beogradi kur Mali i Zi do të pranohet në NATO.
Në një shkrim të B92 theksohet se nëse ndodh kjo, atëherë Serbia do të jetë e rrethuar nga vende-anëtare të Aleancës Veriatlantike.
Kryetarja e Komitetit të Sigurisë në Parlamentin serb, Marija Obradoviç, tha se nuk ka arsye që Serbia të ndryshojë qëndrimin e saj neutral në vitin 2016.
“Unë nuk pres ndonjë ndryshim apo rritje tensionesh, pasi ne kemi marrëdhënie të mira me fqinjët dhe nuk besoj se hyrja e Malit të Zi në NATO do të ndryshojë ndonjë gjë. Gjithashtu ne kemi marrëdhënie të mira me NATO-n në kuadër të Partneritetit për Paqe”, tha Obradoviç.
Kryeredaktori i gazëtës Danas, Zoran Panoviç thotë se edhe Lindja edhe Perëndimi kanë nisur të rishikojnë pozicionin e neutralitetit të Serbisë por nuk se besojnë në sinqeritetin e këtij qëndrimi.
“Do të ishte mirë nëse neutraliteti serb ka qenë më pak se një eufemizëm për të fshehur qëndrimin pro rus. Ata e dijnë se nuk do të jetë e lehtë që Serbia të futet në NATO”, tha Panoviç.
Analisti Gjorgje Vukadinoviç mendon se prania e NATO-s në Serbi do të jetë më e madhe këtë vit se më përpara.
Ai thotë se hyrja e Malit të Zi do të ndikojnë edhe për Bosnjë-Hercegovinën por edhe Serbinë.
Vukadinoviç thekson se taktika e Aleancës është ta tërheqë Serbinë në strukturat e saj, kurse Rusia synon të rrisë alarmin duke përdorur të ashtuquajturat pjesë të opinionin publik.
/tesheshi.com/
