Autoritetet në Gjermani planifikojnë të aprovojnë një program 500 milion euro për të parandaluar pezullimin e trajnimit në vendin e punës për punëtorët e rinj të punësuar nga kompani në të gjithë vendin.
Sipas një dokumenti paraprak të rishikuar nga Reuters, programi synon të parandalojë që kriza e koronavirusit të kthehet në një krizë për sa i përket të ardhmes profesionale të të rinjve, si dhe në drejtim të sigurimit të një fuqie punëtore të aftë.
Dhe qeveria e kancelares Angela Merkel duhet të miratojë këtë plan të mërkurën.
Ndër të tjera, plani përfshin bonuse trainimi deri në 3,000 euro, të cilat do t’u jepen kompanive të vogla dhe të mesme që janë goditur shumë nga kriza.
Për të zbutur pasojat e rënda ekonomike të pandemisë së virusit koronar, qeveria gjermane ka aprovuar tashmë dy pako stimuluese në vlerë totale prej 880 miliardë eurosh. /tesheshi.com/
