Ka nisur mëngjesin e kësaj të martë aksioni për prishjen e një numri godinash në Himarë, në kuadër të një projekti për rehabilitimin urban të një pjese të kësaj qyteze bregdetare.
Forca të mëdha policore janë bërë barrigadë përballë fadromave e ruspave, ndërkohë që një pjesë banorësh kanë tentuar të reagojnë me forcë për të ndaluar prishjet.
Për pjesën grekofile të Himarës, kjo është një goditje ndaj tyre, një rrëmbim pronash, një akt me prapavijë etnike.
Por autoritetet lokale, përfshi dhe qeverinë shqiptare, kanë argumentuar se gjithçka ka të bëjë vetëm me rehabilitimin urban, e se të dëmtuarit nga cenimi i pronës, atyre që janë të ligjshme, do të dëmshpërblehen.
Ndërkaq, edhe Athina zyrtare ka reaguar ashpër ndaj planit të prishjeve, duke e kategorizuar këtë akti si cenim të pronave dhe të drejtave të minoritetit grek në Shqipëri. /tesheshi.com/
