Tre të rinj nga Malësia e Madhe janë zhdukur prej tyre ditësh dhe dyshimet e para thonë se ata mund të jenë ekzekutuar, pasi kanë qenë të implikuar në kultivim apo tregëti kanabisi. Por për momentin janë vetëm dyshime.
Policia doli me një deklaratë zyryare duke infirmuar se:
“Më datë 04.10.2020, rreth orës 17:30, në Komisariatin e Policisë Malësi e Madhe, ka bërë kallzim shtetasi O. Ç., banues në fshatin Bajzë, Malësi e Madhe, se me datë 03.10.2020, rreth orës 15:00, ka humbur kontaktet me vëllain e tij shtetasin V. Ç. 37 vjeç, banues në fshatin Bajzë, Malësi e Madhe, dhe me dy afërmit e tij (kushërinjë) shtetasit K. P. 21 vjeç, dhe D. P. 25 vjeç, të dy me banim në fshatin Vrith, Malësi e Madhe”.
Disa burime personat e zhdukur janë Vilson Pal Çutaj, i datëlindjes 20 nëntor 1983, banues në fshatin Bajzë, bashkia Malësi e Madhe, Klement Nush Pepaj, i datëlindjes 15 janar 1999, dhe Danjel Rrok Pepaj, i datëlindjes 17 shtator 1995. Klementi dhe Danjeli jane kushërinj me njëri-tjetrin, të dy me banim në fshatin Vrith, Malësi e Madhe dhe të afërm të Vilson Çutajt.
Ndërkohë, prindërit e njërit prej djemve të raportuar të humbur, Klement Pepajt, thonë se ai nuk ka pasur konflikte me njeri në dijeninë e tyre. E ëma thotë se ai doli vetëm për kafe por nuk u kthye më.
“Unë isha në shtëpi me djalin. Doli me xhup për të pirë një kafe por që prej asaj dite nuk e pashë më. Nuk dimë asgjë. Veç kur na erdhi policia në 3 të natës dhe na tha ku është Klementi”, tha e ëma Gjelina Pepaj.
“Ne nuk dimë asgjë për ta. Policia ka bashkëpunuar me ne, kanë kërkuar por nuk kanë gjetur. Unë djalin tim e kam lënë në shtëpi, Klement Pepaj. Kur erdha në shtëpi pyeta bashkëshorten se ku është djali, dhe më tha që ka dalë për një kafe me Vilsonin. Me djalin kam biseduar vazhdimisht por ai nuk më ka thënë kurrë nëse ka problem me ndonjë person”, tha babai Nush Pepaj. /tesheshi.com/
