Më shumë se tre të katërtat e qytetarëve të anketuar të Kosovës janë kundër idesë së këmbimit të territorit me Serbinë, sipas një sondazhi të opinionit publik ndërrmarë nga Instituti Demokratik i Kosovës.
Instituti e kreu anketën në kuadër të dialogut ndërmjet Kosovës dhe Serbisë duke ofruar të dhënën se 77.6 për qind kanë kundër idesë së shkëmbimit të territorit.
Në pyetjen se çfarë do bëjnë qytetarët nëse presidentët e Kosovës dhe Serbisë arrijnë një marrëveshje për shkëmbimin e territorit përgjatë vijave etnike, 51.5 për qind e të anketuarve thanë se do të protestojnë.
Rreth 20 përqind e qytetarëve thanë se do të kërkonin një referendum, dhe 9 për qind thanë se do të pranonin një marrëveshje të tillë.
Rezultati i hulumtimit është se 71 për qind e të anketuarve janë të pakënaqur nga qasje për dialog e presidentit Thaçi me Serbinë, dhe 20 për qind ishin të kënaqur. /tesheshi.com/
