Qytetarët e Kosovës vazhdojnë të jenë të parët në Ballkanin Perëndimor, që besojnë në perspektivën e integrimit në Bashkimin Evropian.
Sipas një ankete të “Gallup Internacional”, saktësisht 84 për qind e të anketuarve në Kosovë besojnë s’e do të kenë përfitime nga anëtarësimi në BE, derisa 4 për qind mendojnë se ky anëtarësim do të ishte i dëmshëm.
Më pas vjen Shqipëria me 80 për qind që besojnë s’e do të kenë përfitime dhe me 10 për qind janë euroskeptikë.
Rezultatet e “Gallup World Poll”, të tretën e renditin Bosnjë – Hercegovinën me 59 për qind “pro”integrimit, derisa 21 për qind s’besojnë s’e nuk do kenë përfitime nga familja evropiane.
E katërta radhitet Maqedonia me 58 për qind “pro” dhe 18 për qind që s’do përfitonin nga integrimi në BE. I parafundit nga gjashtë shtetet e Ballkanit Perëndimor vjen Mali i Zi, me 49 për qind “pro” dhe 25 për qind që janë euroskeptikë.
Ndërsa me besueshmërinë më të vogël në perspektivën e BE-së janë shprehur qytetarët e Serbisë, ku 40 për qind besojnë në përfitime nga anëtarësimi në BE, kurse 34 për qind të tjerë nuk besojnë një gjë të tillë.
Kjo anketë e “Gallup Internacional”, është përgatitur në vitin 2016./tesheshi.com/
