Zgjerimi i mundshëm grek i ujërave territoriale përgjatë kufirit detar me Turqinë do të konsiderohet një pretekst për luftë, tha ministri i Jashtëm turk Mevlut Çavusoglu.
“Ata (grekët) nuk do lejohen të shtrijnë ujërat e tyre territoriale në Detin Egje në 12 milje,” tha ai, duke iu referuar detit që ndan dy vendet mesdhetare.
“Kjo do të ishte një arsye për luftë, një casus belli,” tha Cavusoglu, duke iu referuar një deklarate të vitit 1995 nga parlamenti turk.
Si Turqia ashtu edhe Greqia kanë gjashtë milje det tokësor në Detin Egje, ku një numër i madh ishujsh grekë janë vendosur jashtë bregdetit turk.
Eksplorimi nën ujë
Të dy anëtarët fqinjë të NATO-s kanë debatuar ditët e fundit mbi planet e Turqisë për të eksploruar nëndetin e Mesdheut lindor, që besohet të jetë i pasur me naftë dhe gaz.
Një paralajmërim turk erdhi pasi kryeministri grek Kyriakos Mitsotakis njoftoi javën e kaluar se ujërat territoriale greke në anën perëndimore, përballë Italisë, do të zgjerohen nga gjashtë në 12 milje.
Mitsotakis gjithashtu tha se Greqia mund të zgjerojë ujërat e saj territoriale në zona të tjera.
“Nuk varet nga ne nëse ata zgjerojnë detin e tyre territorial në Detin Jon … por pozicioni ynë mbi Detin Egje është plotësisht i qartë,” tha Cavusoglu. /tesheshi.com/
