Presidenti Donald Trump i ka thënë homologut turk Rexhep Tajip Erdogan se Uashingtoni po punon për ekstradimin e klerikut Fethullah Gylen, të cilin Ankaraja e akuzon si ideator dhe organizues i grushtit të shtetit në këtë vend në vitin 2016, nëpërmjet lëvizjes së tij legale e okulte njëherësh, FETO.
Kjo u bë me dije nga ministri i Jashtëm turk Mevlut Çavusoglu, në një konferencë në Doha.
“Në Argjentinë, Trump ka i tha Erdoganit se po punon për ekstradimi e Gylenit dhe të tjerëve në Turqi”, tha Çavusoglu, referuar takimit mes dy lidërve në Samitin e fundit të G20-ës në Buenos Aires.
Turqia e kërkon këmbëngulësisht prej më shumë se dy vitesh ekstradimin e Gylenit nga SHBA, ku ai jeton prej afro dy dekadash.
Gylen e mohoi përfshirjen në grusht shteti, ndërsa Ankaraja thotë se i ka të gjitha provat që ajo çfarë ndodhi natën e 15 korrikut duke u gdhirë 16-ta, ka vulën e tij.
Në mes të nëntorit, NBC Neës informoi se administrata Trump u ka kërkuar disa agjencive shtetërore që të gjejnë mjete ligjore për ta ekstraduar atë në Turqi.
Erdogan tha javën e shkuar se Turqia do të hapte iniciativa të reja që do të ndiqnin ndjekësit e Gylenit jashtë vendit. /tesheshi.com/
