Në kulmin e një ofensive kundër grupimeve kurde në veri të Sirisë, quajtur si “Dega e Ullirit”, dhe që ka shkaktuar fërkime mes Uashingtonit dhe Ankarasë, kjo e fundit ka vendosur që t’i japë Administratës Trump një goditje ngacmuese me një gjetje origjinale: t’i vendos rrugës ku ndodhet ambasada amerikane, emrin “Dega e Ullirit”.
Inisiativa është marrë nga Bashkia e Ankarasë, ku kryebashkiaku Mustafa Tuna, në një deklaratë të postuar në llogarinë e tij zyrtare në Twitter, tha se propozimi për të ndryshuar emrin e rrugës është nënshkruar dhe se ata do të paraqesin një mocion në këshillin e qytetit të hënën në mbrëmje.
Emri aktual i rrugës është “Nevzat Tandogan”, i cili ishte kryebashkiaku katërt i kryeqytetit turk.
“Dega e Ullirit” ka për shënjestër njësitë e Mbrojtjes së Popullit (YPG), dega siriane e organizatës të cilësuar terroriste të PKK-së, por që të cilat mbështeten nga Shtetet e Bashkuara. Ankaraja zyrtare po i kërkon me forcë Uashingtonit që të ndalojë furnizimin me armë e logjistikë YPG-në.
Dhe gjesti i fundit, ky i emërtimit të rrugës së ambasadës së SHBA-së me emrin “Dega e Ullirit”, është në vazhdën edhe të një pickimi diplomatik. /tesheshi.com/
