Pas shfaqjes këtë fundjavë të një ushtari rus me një lëshues raketash në pozicion luftimi në një anije luftarake ruse që po kalonte në Bosfor, Ministria e Jashtme turke ka thirrur sot për shpjegime ambasadorin e Rusisë në Turqi, Andrey Karlov.
Siç bëjnë të ditura burimet e Ministrisë së Jashtme turke, zyrtarët turq të institucionit e kanë paralajmëruar ambasadorin për aktet provokuese.
Ministri i Jashtëm turk, Mevlyt Çavushogllu, po ashtu i ka bërë thirrje Rusisë t’i japë fund kalimit provokues të anijeve luftarake ruse nëpër Bosfor.
Një anije luftarake ruse kaloi dje në mëngjes përmes Bosforit për në Mesdhe, dhe në të u pa një ushtar tek po mbante të drejtuar nga bregu një lëshues raketash tokë-ajër.
Ky është incidenti i fundit në përplasjen me Rusisë dhe Turqisë që prej rrëzimit të avionit luftarak rus. Tensioni mes dy shteteve vijon të mbetet i lartë, i shoqëruar gjithashtu me embargo ekonomike nga pala ruse. /tesheshi.com/
