Qendra për Luftimin e Dezinformimit e Drejtorisë së Komunikimit të Presidencës së Republikës së Turqisë ka mohuar pretendimin që qarkullon në mediat sociale se “një pjesë e flotës izraelite të aeroplanëve civilë është e stacionuar në Turqi”.
“Për shkak të mungesës së operacioneve ajrore civile dhe ushtarake midis Turqisë dhe Izraelit, nuk ka aeroplanë izraelitë në aeroportet dhe në hangarët tanë.
Turqia ka pezulluar të gjitha fluturimet dhe operacionet ajrore me këtë vend pas sulmeve barbare dhe brutale të nisura nga Izraeli kundër palestinezëve”, tha Qendra në një deklaratë.
Kujtohet se zyrtarëve izraelitë u ndalohet gjithashtu përdorimi i hapësirës ajrore turke, dhe kjo situatë herë pas here ka qenë objekt i raporteve mediatike.
“Ne i këshillojmë qytetarët tanë të mos u besojnë lajmeve manipuluese dhe se organizatat dhe individët që publikojnë dhe/ose transmetojnë lajme të tilla mund të përballen me pasoja ligjore për rrezikimin e sigurisë sonë kombëtare”, thuhet në deklaratën e Qendrës për Luftimin e Dezinformimit të Drejtorisë së Komunikimit të Presidencës së Republikës së Turqisë. /tesheshi.com/
