Turqia thotë se ka prova të reja që lidh përkrahësit e klerikut Fetullah Gylen me grushtin e shtetit të dështuar të vitit 2016, tha ministri turk i drejtësisë Abdulhamit Gul, duke shtuar se informacioni i ri do bisedohej me homologun amerikan.
Përpjekjet e pasuksesshme dyvjeçare të Turqisë për të ekstraduar Gylen nga Shtetet e Bashkuara kanë dëmtuar marrëdhëniet midis aleatëve të NATO-s, raporton Reuters.
Uashingtoni kërkon nga Ankaraja prova më të forta kundër Gylenit, ndërkohë që ky i fundit i cili jeton në SHBA që nga viti 1999, ka mohuar pjesëmarrjen në një grusht shteti dhe e ka dënuar atë.
Por ministri Gul thotë se ata kanë prova të reja që gjenden në telefonin e ndjekësve të Gylenit.
“Ne kemi marrë prova të reja që tregojnë se FETO ishte e përfshirë drejtpërdrejt në ngrusht shteti, atë natë, gjë që përforcon të gjitha dyshimet dhe informacionet që kemi marrë deri më tani”, tha Gul.
Gul tha gjithashtu se po planifikon që përkëto prova të reja të bisedojë me Prokurorin e Shtetit të SHBA, Jeff Sessions. /tesheshi.com/
