Një kafkë fosile e një Tyrannosaurus rex, e zbuluar në shtetin amerikan të Dakotës së Jugut, mund të shitet për 15 milionë dollarë ose më shumë në një ankand në Sotheby’s të New York-ut.
Kafka fosile e Maximus, me peshë 91 kilogramë, do të shitet më 9 dhjetor nga pronari që dëshiron të mbetet anonim, njoftoi shtëpia e ankandeve.
Kafka u gërmua në vitin 2020 dhe 2021 në Harding County, Dakota e Jugut, ku janë gjetur fosile të tjera të tiranosaurusit.
Cassandra Hatton, kreu global i shkencës dhe kulturës popullore të Sotheby’s, e quajti zonën “kryeqyteti i T-rex-it të botës”.
Shumica e mbetjeve të këtij tiranozauri u shkatërruan nga erozioni me kalimin e kohës, por ekspertët nga Sotheby’s thonë se kafka është zbulimi kryesor.
Fosili dy metra i gjatë është rreth 76 milionë vjet i vjetër dhe ende ka shumicën e kockave të jashtme të kafkës dhe shumë dhëmbë, thanë ekspertët e Sotheby’s.
Hatton tha se dy vrima të mëdha u zbuluan në kafkë, që besohet të jenë rezultat i një lufte me një tjetër tiranozaur.
Megjithatë, tha ajo, ky ekzemplar ndoshta nuk do të dërgohet në një institucion kërkimor, por do të jetë “trofeu i fundit” i vendosur në shtëpinë e dikujt. /tesheshi.com/
