Ndërsa kreu i grupt socialist Taulant Balla e quajti kryedemokratin Basha një “shejtan budalla” në komentet e tij për akuzat që i janë bërë së fundi në lidhje me Toyota-n me euro, në drejtim të tij ka reaguar një tjetër personazh gjuhëçapraz. Edi Paloka e ka future kolegun socialist tek katërkëmbëshat, duke e etiketuar si “derrkuc”.
“Pse nuk zgërdhihet më derrkuci me Toyota??? Taulant Balla, një derrkuc i dhjamur nga paratë e drogës që pastron bashkë me bandën e Elbasanit, sot nuk u zgërdhi. Taulantit i ka ikur zgërdhirja. Taulantit i ishte tharë buzë e mezi fliste. Taulanti u përtyp e u përtyp si derrkuc i dhjamur i ngecur në baltë, po nuk tha asgjë. Sepse derrkuci e di që ka ngecur në baltë.
Dy pyetje për derrkucin me Toyota:
Akuzën në prokurori për Lulzim Bashën pse nuk e bën që sot, po ke vendosur të presësh deri në fund të javës?
Aktorin e Babales pse nuk e nxjerr që sot që ta shohë e gjithë Shqipëria, po e mban kaq gjatë të fshehur?
Për ta kuptuar hallin e madh që ka zënë derrkucin e Toyota-s, kujtoni se çfarë thoshte derrkuci për avionët e drogës para tre vjetësh, kujtoni se çfarë thoshte derrkuci për Saimir Tahirin, çfarë thoshte derrkuci për Elvis Rroshin, çfarë thoshte derrkuci për Agron Xhafajn”, ishte reagimi i Palokës.
Kështu, tashmë nuk bëhet fjalë për akuza dhe kundërakuza, të cilat zakonisht nuk provohen në rrugë ligjore, por dhe për animalizim të gjuhës politike, ku ndaj kundërshtarit nuk ka asnjë vetëpërmbajtje etike. /tesheshi.com/
