Sot, anija e parë e huaj e mallrave mbërriti në Ukrainë që nga fillimi i luftës në shkurt dhe do të ngarkohet me grurë, tha ministri ukrainas i Infrastrukturës Oleksandr Kubrakov.
Ukraina nis sërish eksportin e grurit, sipas një marrëveshjeje të arritur me Rusinë, me ndërmjetësimin e Turqisë dhe OKB-së, zbatimi i së cilës mbikëqyret nga Qendra e Përbashkët Koordinuese në Stamboll. Kubrakov tha se anija e mallrave Fulmar S, e cila lundron nën flamurin e Barbados, është në portin e Chornomorskut.
“Ne po bëjmë gjithçka që është e mundur për të siguruar që portet tona të mund të marrin dhe përpunojnë më shumë anije. Para së gjithash, ne planifikojmë të arrijmë nivelin e të paktën tre deri në pesë anije në ditë në dy javë,” shkroi ai në Facebook.
Ukraina planifikon të eksportojë tre milionë tonë drithë në muaj nga portet në Detin e Zi, tha ai.
Rreth 20 milionë tonë drithë nga viti i kaluar janë ende të bllokuara në vend. /tesheshi.com/
