Angela Merkel deklaroi në një mesazh drejtuar gjermnëve për fundvitin se vendimi i saj për të bërë një koalicion të madh është që ta mbajë Gjermaninë ashtu të fuqishme dhe aktore të dorës së parë.
Por ajo u ka bërë thirrje gjermanëve që të ruajnë unitetin e vendit.
“Ka kohë që nuk ka pasur kaq shumë mendime konfrontuese. Disa bëjnë fjalë madje për një çarje në mesin e shoqërisë”. Njëra palë thotë: Gjermania është një vend i mrekullueshëm, i fortë, i suksesshëm ekonomikisht, me një shoqëri të hapur ndaj botës dhe diversitet. Të tjerët thonë: Ka shumë njerëz që nuk kanë pjesë në këtë sukses, që ka shumë kriminalitet dhe dhunë Ata pyesin veten, „si mund ta rregullojmë imigracionin në vend dhe ta kontrollojmë atë.”
Të dyja janë realitete, suksesi dhe besimi, por edhe frika dhe dyshimi.
Për mua të dyja janë stimuj. Politikanëve i është dhënë mision të kujdesen për sfidat e së ardhmes dhe të mos harrojnë nevojat e qytetareve dhe qytetarëve.
Unë ndjehem e angazhuar për këtë detyrë, prandaj po punoj që Gjermania të ketë një qeveri stabël vitin e ardhshëm se bota nuk pret për ne”.
Të ardhmen e Gjermanisë Merkel e shikon të pandarë me të ardhmen e Europës. 27 vende duhet të përpiqen të veprojnë si një bashkësi. Kjo do të jetë tema qendrore e viteve të ardhshme. Do të bëhet fjalë për atë nëse „ne europianët vlerat tona mund t’i përfaqësojmë nga jashtë në mënyrë solidare dhe me vetëbesim.” Gjermania dhe Franca duan të punojnë së bashku që kjo të arrihet.
/tesheshi.com/
