Tre vite pasi e ngriti për herë të parë trofeun e turneut të Wimbledon-it, skocezi 29-vjeçar e përsëriti të njëjtin veprim pasditen e kësaj të diele.
Në finalen e turneut të tretë Grand Slam të vitit, Murray u ndesh me kanadezin Milos Raonic, ndaj të cilit fitoi 3-0.
Kjo ishte hera e parë për të që në 11 finale Grand Slam-i nisej si favorit, pasi në dhjetë të tjerat ka patur kundërshtar o Novak Djokovic-in, o Roger Federer-in.
Fitorja nuk qe aq e lehtë sa ç’e tregon rezultati. Seti i parë do të fitohej 6-4 nga tenisti që luante në shtëpinë e tij, por dy të tjerët do të vendoseshin me tiebreak, duke u fituar 7-6.
“Jam krenar që e kam trofeun përsëri në duart e mia,” deklaroi Murray në ceremoninë pas finales. /tesheshi.com/
