Barcelona e ka paguar me një çmim të lartë fitoren e djeshme ndaj Valencias në fushën e kësaj të fundit. Kapiteni i katalanasve, Andres Iniesta, do të mungojë nga gjashtë deri në tetë javë pas dëmtimit të ligamenteve të gjurit.
Iniesta doli jashtë në takimin e së shtunës që në minutën e 14-të, pas u dëmtua nga Enzo Perez. Që prej rënies së tij në tokë u kuptua se bëhej fjalë për një dëmtim serioz, pasi Iniesta u pa të shtrëngonte dhëmbët prej dhimbjeve.
Barcelona do të duhet të bëjë pa Iniesta-n në ndeshjet ndaj Mançester Sitit e Sëlltikut në Champions League. Kapiteni do të mungojë me shumë gjasa dhe në takimet e kampionatit spanjoll ndaj Granadës, Seviljes, Malagës, Real Sociedadit e Herkulesit.
Ka gjithsesi një shpresë se ai do të kthehet të luajë më 4 dhjetor, kur Barcelona të ndeshet me Realin e Madridit.
Dëmtimi i Iniesta-s u shtohet atyre të Gerard Pique-së dhe Jordi Alba-s. /tesheshi.com/
