Hinduizmi do të bëhet feja e tretë më e madhe në botë në vitin 2050, kur India të kalojë Indonezinë si shteti me më shumë besimtarë myslimanë, sipas një studimi të fundit.
Popullsia hindu në të gjithë botën do të rritet me 34% nga 1 miliard në 1.4 miliard në vitin 2050, sipas studimit të Pew Research Center në kuadër të projektit “The Future of World Regions”.
Në projekt thuhet se besimi hindu do të përbëjë 14.9% të popullsisë totale besimtare, dhe do të jetë pas besimit Kristian me 31.4% dhe besimit Mysliman me 29.7%, ndërsa pjesa e popullsisë së grupeve të tjera fetare dot përbëjnë 13.2% .
“Në vitin 2050, studimi mendon që India do të jetë vendi me numrin më të madh të besimtarëve myslimanë, me rreth 310 milionë besimtarë, edhe pse popullsia e besimit hindu do të rritet në këtë shtet dhe do të jetë mbizotëruese ndaj asaj myslimane në raportin 77% me 18%”,- thuhet në studim.
Indonezia do të jetë shteti i tretë me numrin më të madh të besimtarëve myslimanë, pas Pakistanit që renditet në vendin e dytë.
Në studim thuhet se trendi i rritjes së besimtarëve myslimanë do të jetë edhe më i madh se trendi i rritjes së popullsisë në botë, ndërsa besimtarët e krishterë dhe ata hindu do të vijojnë të ruajnë një trend konstant të rritjes.
“Gjatë 4 dekadave të ardhshme Kristainizmi do të vijojë të ngelë grupimi më i madh fetar në botë, ndërsa feja Islame do të jetë grupi i vetëm që do të ecë me ritme shumë të shpejta drejt rritjes së numrit të besimtarëve”,- thuhet në kërkim.
Sipas raportit, mendohet që në vitin 2050, mendohet se numri i besimtarëve të krishterë dhe atyre myslimanë do të jetë shumë i afërt dhe më konkretisht 2.8 miliard besimtarë myslimanë (30% e popullsisë) dhe 2.9 miliard besimtarë myslimanë (31% e popullsisë). Kjo do të jetë hera e parë në histori që këto dy besime fetare do të kenë kaq pak diferencë mes tyre.
Në vitin 2010, në botë ka pasur 1.6 miliard besimtarë myslimanë dhe 2.17 miliard besimtarë të krishterë. Nëse trendi i tillë i rritjes së numrit të besimtarëve myslimanë do të rritet, brenda vitit 207 feja Islame do të shndërrohet në fenë me përhapjen më të madhe në botë, në vitin 2070.
“Sa më larg të shikojmë, aq më e vështirë është të parashikojmë trendin e zhvillimeve dhe përhapjes së besimeve fetare, e kjo është arsyeja pse jemi ndalur dhe kemi vëzhguar trendet deri në vitin 2050. Mirëpo, besojmë që nëse zhvillimet do të jenë të njëjta, shumë shpejt, brenda vitit 2070, feja Islame do ta kalojë atë të Krishterë dhe numri i besimtarëve myslimanë do të të jetë më i madh se sa ai i të krishterëve”,- thuhet në deklaratën e organizatës.
Kërkimi ka marrë në konsideratë faktorë që lidhen me pjellorinë, trendet në rritje të popullsisë së re dhe statistika të marra më parë në lidhje me besimet fetare./tesheshi.com/
