Fondacioni gjerman “Konrad Adenauer” ka publikuar një analizë për zgjedhjet në Shqipëri, ku analizon fitoren e PS-së dhe humbjen e PD-së.
Walter Glos shkruan në analizën e tij se socialistët dolën nga këto zgjedhje si fitues të qartë, ndërsa për humbjen e PD-së ai rendit 4 shkaqe kryesore dhe asnjëra prej tyre nuk ka të bëjë me pretendimin e opozitës se “u manipuluan” zgjedhjet.
“PD, partneri i PPE, nuk ia doli që të paraqesë një alternativë të besueshme për përmirësimin e të këqijave në vend, qoftë edhe për shkak të humbjes së forcave gjatë 90 ditëve protestë në çadër.
Gjithashtu, vështirë se e kuptoi dikush se çfarë programi dhe çfarë qasjesh qëndronin pas të ashtuquajturës “Republika e Re”, që u propagandua për muaj të tërë në çadër nga kryetari i PD-së. Gjatë kohës që PD merrej me veten e saj (90 ditë protestë në çadër dhe bojkot parlamentar), PS dhe LSI punuan për javë të tëra fushatë, duke planifikuar gjithçka dhe duke mobilizuar votuesit e tyre. Publiku thjesht nuk besoi në një ndryshim politik. PD nuk ia doli që të përfaqësojë një alternativë të vërtetë ndaj Edi Ramës”- shkruan analisti gjerman, raporton Mapo.
Sipas analizës, katër faktorët për dështimin e PD-së janë:
- Protesta në çadër dhe bojkoti parlamentar. Strategjia e opozitës ekstra-parlamentare nuk bindi bazën e tyre elektorale apo votuesit e lëkundur se PD është një alternativë e përgjegjshme politike ndaj PS.
- Mungesa e skuadrave përgjegjëse për organizimin dhe betejën elektorale. Në vend të kësaj, kryetari i PD Lulzim Basha u përfshi në mikro-menaxhimin e fushatës.
- Mungesa e demokracisë së brendshme. Hartimi i listave vetëm nga kryetari i PD, shkaktoi shumë trazira dhe grindje brenda partisë.
- Në publik nuk u kuptua se përse shumë politikanë të njohur të PD-së, si Topalli, Bregu apo Patozi, mungonin në lista.
Më teja analiza vijon me të tjera shkaqe që ndikuan në këtëe humbje sië është mungesa e kreut të organizatës rinore të PD-së dhe shumë drejtues të organizatave lokale të partisë në vendimarrjen e kryetarit. Madje as forumet e rëndësishme të partisë nuk u përfshinë në vendimet e kryetarit.
“Mungesa e komunikimit të programit politik dhe financiar. Programi u hartua në bashkëpunim me këshilltarë politikë gjermanë, si një alternativë e qartë rregullatore ndaj politikës aktuale qeverisëse. Por ai u paraqit shumë vonë në publik dhe nuk u shpjegua në mënyrë të mjaftueshme”- shkruan Glos.
Në analizë thuhet se marrëveshja mes Edi Rama dhe Lulzim Bashës ishte një hap i rëndësishëm, por mesa duket votuesit e PD nuk e panë atë si sukses.
Tani që ka nisur një garë për të zgjedhur kryetarin e ri të PD, në analizë theksohet: “Mbetet për t’u parë se si PD do të manovrojë nga kriza aktuale për të gjetur sërish unitetin. Me cilin kryetar tek e fundit”./tesheshi.com/
