Vdekja e kreut të grupit ISIS-it, Abu Bakr al-Baghdadi në një sulm ushtarak amerikan është njoftuar me shumë fanatizëm nga Presidenti Donald Trump. Dr Lina Khatib, drejtore e programit të Lindjes së Mesme në Qendrën e Mendimit për Marrëdhëniet Ndërkombëtare – Chatham House, shpjegon se çfarë ka gjasa të ndodhë më pas.
Vrasja e Abu Bakr al-Baghdadi nuk do të thotë fund automatik i ISIS-it. Por e ardhmja e afërt organizatës varet më shumë nga dinamika lokale në Siri sesa nga fakti nëse ajo ka akoma udhëheqës apo jo, shkruan BBC.
Baghdadi ishte një aset i fuqishëm për ISIS, veçanërisht në një kohë kur organizata po planifikonte të krijonte një të ashtuquajtur shtet. Duke marrë parasysh se nuk mund të ketë një kalif pa halif, ISIS e vendosi Baghdadin në sytë e publikut për t’u dhënë mbështetësve të tij në të gjithë botën një figurë të identifikueshme.
Me gjithë humbjen ushtarake në Siri dhe Irak, përkrahësit e saj shpresën për rivendosjen e kalifatit një ditë. Deklaratat e tij mobilizuan simpatizantët, disa në mënyrë vetëm retorike, siç vërehet nga gazetarët dhe punëtorët e ndihmës që intervistuan gratë e veja të luftëtarëve në kampin al-Hol brenda Sirisë.
Në vazhdën e operacionit turk në veri të Sirisë, aftësia ushtarake e IS ishte zvogëluar shumë, por organizata ishte akoma aktive. Qelizat e përgjumura ende zhvillonin sulme në veri-lindje, kryesisht kundër civilëve.
Disa milje larg, në shkretëtirën e madhe të Sokhna afër Homsit, luftëtarët e IS do të sulmonin në mënyrë sporadike ushtrinë siriane dhe objektivat ruse. Në veri-perëndim, shumë ish-luftëtarë të IS ishin bashkuar me një nga grupet në rajon në vend që të mbeteshin nën flamurin IS. Grupi më i afërt me ISIS-in në Idlib është bashkëpunëtori i al-Kaidës, Hurras al-Din, i cili pavarësisht se është aktiv ushtarakisht, është i kufizuar në numër dhe popullaritet në mesin e banorëve lokalë.
Bërthama e veprimtarisë se ISIS-it në Siri është rajoni më i madh i Deir al-Zour në veri-lindje, veçanërisht zonat që shtrihen në jug të Bosairas. Forcat Demokratike Siriane (SDF) kontrollojnë zonën, por kanë luftuar për të fituar pranimin atje, sepse SDF është e mbizotëruar nga kurdët, ndërsa zona është e populluar nga fiset arabe që refuzojnë jo vetëm SDF, por edhe ushtrinë siriane dhe milicitë e mbështetur nga Irani, të cilët janë pranishëm në qytetet përreth. Këto fise kohët e fundit po organizojnë demonstrata kundër regjimit sirian dhe Iranit.
Para operacionit turk në Sirinë veriore, tensionet midis fiseve në Deir al-Zour dhe SDF-së u pasuan nga rritje e aktivitetit të ISIS-it. Disa muaj më parë, një pikë kontrolli e SDF-së qëlloi për vdekje një kalimtar arab.
IS ka gjasa të zgjedhë një pasues të Baghdadit, por ajo që është më e rëndësishme për operacionet e saj është situata në veri-perëndim dhe veri-lindje të Sirisë. Presidenti Trump tha që Bagdadi ishte në Idlib – aty ku u vra – sepse po përpiqej të rindërtonte organizatën atje.
Tani, organizata famëkeqe ka të ngjarë të përdorë vdekjen e Baghdadit për të mbledhur përkrahësit e tij në emër të hakmarrjes. Sidoqoftë, ditët e militantëve të saj që luftojnë deri në frymën e fundit duket se kanë mbaruar.
Udhëheqësi i saj në Siri, Abu Ayman al-Iraku, u desh të dislokohej në vijën e frontit i shoqëruar nga vetëm gjashtë luftëtarë gjatë betejës së tij të fundit. Ata e braktisën atë, duke e lënë të vritej nga SDF-ja. Në kulmin e saj, ISIS nuk do të kishte nevojë për komandantë të këtij kalibri në vijat e frontit. /tesheshi.com/
