Analisti i njohur mitrovicar Nexhmedin Spahiu, një ndër zërat tradicionale të gazetarisë dhe publicistikës kosovare, ka qenë nga ana që nuk e ka parë si gjest të duhur pengimin e presidentit Vuçiç, për të vizituar një enklavë serbe në Drenicës.
Duke folur për Ora News, Spahiu tha se si politika e si masa e njerëzve në terren, treguan papjekuri. Sipas tij, ajo çfarë ndodhi me Vuçiçin të cilit iu pre rruga, “shfaqi një jo seriozitet të klasës politike në Kosovë, solli një shpërfaqje të shoqërisë kosovare që është akoma e papjekur dhe që nuk e di se çfarë do. Pengimi që të vizitohet një fshat me tre shtëpi serbe në Drenicë, ishte një budallallëk me brirë…”, tha analisti Spahiu.
Në gjykimin e tij, e gjithë vizita e Vuçicit, e realizuar me leje të autoriteteve kosovare, ishte një provokim. Ndaj nuk kishte pse të ndalohej për një vizitë mëse normale te një fshat serb, ndërkohë që shkoi në Gazivodë, atje ku dhe palët ndahen. /tesheshi.com/
