Në një analizë të botuar sot në gazetën Panorama, analisti i njohur Fatos Lubonja, pozicionohet hapur në krahun e Ben Blushit, ish/deputet i PS-së dhe kundërshtari i Edi Ramës brenda llojit.
Duke qenë një kritizer i fortë i kryeministrit Rama, por edhe i klasës së vjetër politike, Lubonja analizon lojën politike parazgjedhore dhe mundësitë e koalicioneve pas 25 qershorit.
Por sipas Lubonjës, “Sido që të ndodhë koalicioni i radhës do të jetë akti i radhës i tragjedisë dhe komedisë së radhës.
E vetmja shpresë për të dalë nga kjo tragji-komedi është që ata 56 për qind të shqiptarëve që sipas Gallup kërkojnë të lënë Shqipërinë- kuptohet si rezultat i keqqeverisjes dhe zhgënjimit nga të trija partitë kryesore, – t’i japin një goditje të trijave duke votuar ndonjë parti të re si LIBRA e Ben Blushit, që u është kundërvënë të trijave dhe që kërkon të mbesë kundër tyre në opozitë edhe pas zgjedhjeve.
Të paktën sa për të ruajtur shpresën gjallë”.
Lubonja nuk është rasti i parë që një intelektual pozicionohet hapur në favor të një partie politike, pasi kemi Artan Fugën që mbështeti kauzën e PD-së me çadrën. Por Lubonja duket se gjen tek Blushi dy tipare që e bëjnë atë të pëlqyeshëm për të, është kundërshtar i Ramës dhe një i majtë par excellence./tesheshi.com/
