Xhamia e Çarshisë, e cila ndodhet në zemër të Prishtinës, është njëra ndër xhamitë me karakteristike në Evropë. Ajo që e bënë të jetë e veçantë nga xhamitë tjera është se minarja e saj është bërë me gurë prej bazës e deri në majë.
Për Xhaminë e Gurit, tash sa vjet po bëhet përpjekje që të zbulohet pamja e moçme e saj. Po synohet zbulimi i gurëve që përbëjnë muret e trasha të këtij monumenti, që u ndërtua në shekullin e largët, XV.
Xhamia e Çarshisë është ndërtimi i Prishtinës së vjetër, e ndërtuar në shekullin e 15 nga Sulltan Bajaziti për të përkujtuar fitoren e osmanëve në vitit 1389.
Këtë xhami e quajnë edhe “Tash Xhamia”, që në përkthim do të thotë “Xhamia e gurit”.
Publicisti i njohur, Bajram Mjeku, në profilin e tij shkruan për veçantinë e kësaj xhamie, duke thënë se “minarja e Xhamisë së Çarshisë është më unikalja në Evropë.”
“Minarja e Xhamisë së Gurit apo e Xhamisë së Çarshisë në Prishtinë, është më unikalja në Evropë. Maja e saj është ndërtuar me gurë në vend të aluminit.”
Publicisti Mjeku, thotë se disa herë është munduar që të hulumtojë rreth ndërtimit të kësaj xhamie, nga janë marrë gurët, për të ditur origjinën e tyre, për arsye se edhe këta janë të veçantë; siç thotë z. Mjeku, “janë të butë mund të gdhenden edhe me sëpatë, por gjë që nuk ka mundur ta zbulojë.”
Por ai bën dhe një tjetër zbulim me këtë rast kur thotë se prej kësaj xhamie kuptjmë se “Prishtina asnjëherë nuk ka patur tërmet shkallësh të larta.”.
Xhamia e Çarshisë që një kohë të gjatë është duke u restauruar, por që punimet kanë mbetur në gjysmë dhe nuk dihet se kur do të përfundojnë. /tesheshi.com/
