Analisti gjeopolitik amerikan dhe njëherësh themelues i Institutit Stratfor, George Friedman, tha se situata ideale për zgjidhjen e çështjes së Kosovës, do të ishte ajo kur Beogradi dhe Prishtina të arrijnë një marrëveshje të drejtpërdrejtë pa një palë të tretë.
Në këtë qëndrim, Friedman udhëhiqet dhe nga ideja se edhe kufijtë mund të jenë të ndryshueshëm për hir të një marrëveshjeje që do sheshonte konfliktin shekullor mes dy vendeve.
“Sipas mendimit tim, pasi kufijtë e Serbisë kanë ndryshuar tashmë gjatë luftës, nuk ka asnjë arsye pse ato të tanishmit të konsiderohen të shenjtë. Kjo është arsyeja pse unë ju inkurajoj që të përjashtohet pala e tretë dhe që të arrihet një marrëveshje mes dy palëve”, tha Friedman.
Si kritikë për palët e treta, ai tha se shumë vende, janë “të përcaktuara me forcë dhe padrejtësi”.
Friedman tha se dyshonte nëse Shtetet e Bashkuara do të kundërshtonin çdo ide, duke përfshirë ndryshimin e kufijve, nëse kjo çon drejt stabilitetit dhe paqes në rajon. /tesheshi.com/
