Analisti i njohur shqiptar në Maqedoni, Alajdin Demiri, mbrëmë në TV21 tha se pa pastrimin e listave zgjedhore në Maqedoni do të ndodhë sërish vjedhja masive e votave, sikur ka ndodhur në procese tjera zgjedhore, ku kanë fituar partitë në pushtet.
Ai përmendi rastin e Zajazit, fshatit të Ali Ahmetit, kur partitë politike shqiptare përballë BDI-së kanë mbetur me zero vota.
“Kjo është vjedhje e pastër. Bile me këtë do të çuditeshin edhe diktatorët Enver Hoxha e Stalini. Pa pastrim të listave do të fitojnë partitë aktuale në pushtet dhe pastaj do të instalohet një regjim i ashpër, të cilin populli duhet ta rrënojë me metoda tjera”, u shpreh ai. /tesheshi.com/
