Përgatiti: Shkëlzen Rrecaj
Kuvendi i Kosovës për herë të tretë nuk mundet që ta zhvilloj seancën shkaku që deputetët e opozitës kanë hedhur sërish gaz lotsjellës. E më këto veprime nuk po pajtohen analist të çështjeve politike si dhe nga shoqëria civile.
Besa Luzha njohëse çështjeve politike përmes profilit të saj në Facebook ka reaguar ndaj zhvillimeve të sotme në Kuvendin e Kosovës. Ajo ka thënë se është pushteti ai i cili po e provokon dhe po e acaron situatën.
“Insistimi i pozitës për të mbajtur seancën në këto rrethana dhe pa ndonjë ofertë serioze për zgjidhje është provokim dhe shkuarje kah acarimi i situatës. Kurse insistimi i opozitës që të ofrohet vetëm tërheqja nga të dy marrëveshjet për të zhbllokuar kuvendin është poashtu pozicionim i skajshëm. DUHET NJË PROCES DIALOGIMI SERIOZ DHE MARRËVESHJE POLITIKE E CILA I AFRON TË DY PALËT NË NJË ZGJIDHJE TË NDËRMJETME ME KOMPROMIS NGA TË DY ANËT .”
Politika megjithatë është art i së mundshmes, ka shkruar znj. Luzha në FB.
Në anën tjetër publicisti Adriatik Kelmendi po ashtu ka reaguar ndaj gjendjes së sotme të krijuar në Kuvendin e Kosovës. Ai në profilin e tij në FB ka shkruar se kjo që po ndodh është e dhimbshme, i cili e ka kritikuar edhe pozitën edhe opozitën.
“Ky diskurs i të dyja anëve, fatkeqësisht vetëm sa po e relativizon rrezikun e Asociacionit/Bashkësisë. Kjo për faktin që, duke dashur t’i kundërpërgjigjen agresivitetit të opozitës, përfaqësuesit e pushtetit po shkojnë panevojshëm larg në të mbrojturit e Asociacionit/Bashkësisë, duke relativizuar dëmshëm rrezikun që ai paraqet për funksionimin e Kosovës si shtet.”
Kurse opozita, duke përdorur metoda të dhunshme që qartazi nuk po përkrahen nga qytetarët, po e relativizojnë njësoj vetë Asociacionin/Bashkësinë, meqë mospërkrahja qytetare ndaj taktikave të opozitës, mund të njëjësohet pavërejtshëm dhe naivisht edhe me mospërkrahje e kundërshtimit të ligjshëm të kësaj marrëveshjeje.
Dhe kjo është e dhimbshme.
Ndërsa ish- deputeti i Kuvendit të Kosovës, Driton Tali, i cili për të dalë nga kjo situatë ka thënë që Isa Mustafa duhet të jap dorëheqje, duke theksuar se kjo është e vetmja mundësi për të dalë nga kjo situatë. Sipas tij, largimi i tij është vetëm çështje kohe.
“Dorëheqja e z Mustafa s’ka shpëtim veç vonim. Sa ma herët që jep dorëheqje aq më mirë edhe për z. Mustafa”, ka shkruar Tali në FB.
Edhe përfaqësuesi i shoqërisë civile Ismet Kryeziu nga KDI ka reaguar për situatën që po kalon Kuvendi i Kosovës, duke kërkuar anulimin e seancës së sotme në Kuvend.
Kryeziu ka thënë se zgjidhjen duhet ta bëjë Presidentja.
“Zgjidhja e vetme është dialogu politik mes subjekteve politike. Këtë duhet ta bëjë Presidentja e Kosovës Atifete Jahjaga.”
Ndërkaq, analisti politik, Naim Rashiti ka paralajmëruar një natë të rëndë sonte. Ai në një postim në Facebook ka theksuar sonte pritet të jetë një natë e rëndë brenda Kuvendit dhe jashtë tij.
“Mbrëmje e rende sonte ne Kuvend dhe jashtë saj. Opozita e vendosur për të provokuar, qeveria/kuvendi të vendosur për të reaguar”, ka shkruar ai në Facebook./tesheshi.com/
