Notari italian fitues i të artës olimpike, Thomas Ceccone, u kap duke fjetur në një park pasi u ankua për kushtet në fshatin Olimpik në Paris.
Notari doli i pari në 100 metra shpinë për meshkuj, megjithëse konfirmoi se ai fle keq pasdite dhe natën në akomodimin për atletët në Lojërat Olimpike, gjë që ka qenë zhgënjyese këtë vit, raporton Daily Mail.
“Ne nuk kemi kondicioner, është vapë, ushqimi është i keq, prandaj shumë sportistë lëvizin. Ky nuk është një alibi apo justifikim për ne, por një realitet që shumë njerëz as që e marrin me mend. Kur jam në në shtëpi, zakonisht fle gjithmonë pasdite, por tani nuk mundem për shkak të zhurmës dhe vapës”, tha notari.
Një foto e tij e cila është bërë virale, e tregon notarin italian duke fjetur në një atipik.
Por nuk është e qartë nëse është skenë e sajuar, edhe për t’u fotografuar në funksion të një mesazhi, apo ka ndodhur natyrshmërisht kështu.
Ishte sportisti saudit Hussein Alireza i cili e pa Ceccone-n duke dremitur në një park dhe postoi pamjen e rrallë.
Ai ka shënuar fshatin olimpik si vendin ku ka fjetur italiani, duke shkruar: “Sot pusho, nesër fito”. /tesheshi.com/
