Historia gati e ka shenjtëruar rënien e Gjermanisë naziste dhe triumfin e aleatëve me Rusinë, SHBA-të dhe Anglinë në krye; por ja që zhvillim botëror ka dhe anën tjetër të medaljes, po aq llahtarë sa vetë ajo luftë me holokaustin si kulm mizor.
Midis muajve janar dhe gusht të vitit 1945, Gjermania e dorëzuar përjetoi incidentin më të madh e të tmerrshëm: përdhunimin më të frikshëm të njohur në histori, ku rreth dy milionë gra gjermane u përdhunuan nga ushtarët e Ushtrisë së Kuqe Sovjetike.
Ky tmerr historik tregohet nga Walter Zapotoczny Jr në librin e tij “Përtej Detyrës: Arsyet e krimeve të ushtarëve sovjetikë”.
Midis muajve prill dhe maj, kryeqyteti gjerman Berlin regjistroi më shumë se 100,000 raste të përdhunimit, sipas raporteve nga kartelat e spitaleve; ndërsa Prusia Lindore, Pomerania dhe Silezia përjetuan më shumë se 1.4 milion raste të përdhunimit.
Raportet e spitaleve gjithashtu bënë të ditur se operacione për abortim kryheshin çdo ditë në të gjitha spitalet gjermane.
Natalia Gesse, e cila ishte korrespondente e luftës në atë kohë, tha se sovjetikët nuk “e çanin kokën për viktimat, edhe pse ishin fare të reja apo të mitura.
Ushtarët rusë po dhunonin çdo femër gjermane nga tetë deri në tetëdhjetë vjeç. Ishte një ushtri dhunuesish”, tha ajo.
Përdhunimi shkaktoi vdekjen e jo më pak se 200,000 vajzave dhe grave për shkak të përhapjes së sëmundjeve por edhe goditjes apo traumave të ndryshme. Ushtarët e Ushtrisë së Kuqe përdhunuan masivisht femrat gjermane si shenjë hakmarrjeje kundër armikut të tyre.
Ata mendonin se ishte e drejta e tyre për ta bërë këtë, pasi ushtria gjermane kishte shkelur atdheun e tyre duke e pushtuar.
“Burrat tanë ishin aq të uritur për seksin”, i tha një major sovjetik një gazetari britanik në atë kohë, “sa shpesh dhunonin gratë e moshuara nga gjashtëdhjetë, shtatëdhjetë ose madje tetëdhjetë vjeçe”.
Në vitin 1948, rastet e përdhunimit u zvogëluan shumë, pasi autorët e këtyre ngjarjeve u urdhëruan të ktheheshin në Rusi. /tesheshi.com/
