Qeveria spanjolle tha se vendit i duheshin të paktën 80,000 punëtorë gjatë javëve të ardhshme për të marrë pjesë në sezonin e vjeljes së produkteve bujqësore në mënyrë që të sigurojë furnizimin e ushqimit në treg dhe parandalimin e prishjes së të korrave.
Qeveria ka njoftuar se do ta bëjë më të lehtë për emigrantët dhe të papunët që të punësohen në bujqësi gjatë pandemisë së koronavirusit.
Ministri i Bujqësisë në Spanjë, Luis Planas tha në një konferencë për shtyp se punëtorët në afërsi të zonës së korrjeve do t’u jepej përparësi për shkak të kufizimeve në lëvizje.
Ai shtoi se thirrja iu bë spanjollëve të papunë pa përfitime, duke theksuar se do të lejoheshin t’i mbanin ata nëse merrnin pjesë në punë në fusha.
Sa për emigrantët që mbajnë kontrata të përkohshme të punës, Planas tha se ato do të zgjeroheshin. Për më tepër, emigrantët e rinj midis moshës 18 dhe 21 vjeç do të kenë kontratat e tyre të punës të organizuara në mënyrë që ata të mund të marrin pjesë në sezonin e korrjes duke filluar nga mesi i prillit të këtij viti.
Organizatat ndërkombëtare më parë kanë paralajmëruar për rrezikun e mungesës së ushqimit në tregun global në tregtinë botërore dhe zinxhirët e shitjeve.
Një deklaratë e përbashkët e Organizatës së Ushqimit dhe Bujqësisë të Kombeve të Bashkuara (FAO), Organizatës Botërore të Shëndetit (OBSH) dhe Organizatës Botërore të Tregtisë (OBT) deklaroi se “pasiguria ushqimore mund të shkaktojë një valë kufizimesh të eksportit, duke çuar në mungesa në tregun global” .
Këto tre organizata kanë shprehur frikën e “një ngadalësimi të lëvizjes së punëtorëve në sektorët e bujqësisë dhe ushqimit”, i cili do të rrezikojë shumë fermerë në Perëndim. /tesheshi.com/
