Në mesin e 43 deputetëve nënshkrues për të shfuqizuar ligjin për Gjykatën Speciale, është edhe deputeti nga komuniteti ashkali, Danush Ademi. Ky i fundit thotë se nuk kishte edhe aq shumë informacione se për çfarë bëhet fjalë kjo kërkesë, e cila e rrëzonte Specialen.
“Nuk e kemi mendu pasojat. Ka qenë i papritur ai nënshkrim. Aty se kemi ditë çfarë po nënshkruajmë. S’kemi pas konsultim, nënshkrimi ka ardh pa konsultim. Nuk është në rregull. Është dashur të ftohemi të diskutojmë. Mendojë se është dashur të ftohemi nga PAN-i të japin sqarime por tani s’kemi çfarë të bëjmë”, ka thënë ai për Indeksonline.
Ai pohon se personalisht ka menduar se me shfuqizimin e ligjit do t’i shtohet një amendament gjykatës që të jetë e barabartë për të gjithë. “Kështu e kam kuptu unë”, thotë ai. /tesheshi.com/
