Banorët e Punjabit në Indinë veriore janë të magjepsur nga pamja e Himalajeve, tani e dukshme nga një distancë prej më shumë se 200 kilometrash, për shkak të ndotjes më të ulët të ajrit të shkaktuar nga futja e karantinës në vend në luftën kundër virusit koronar.
Banorët e qytetit Jalandhar, dhe veçanërisht rinia që nuk e kanë parë kurrë malin Dhauladhar pa mbulesë smogu, thonë se natyra po rikthehet nga karantia; mbyllja e fabrikave dhe ndërprerja e trafikut.
Fotografitë po përhapen nëpër rrjete sociale ndërsa vendasit dhe aktivistët e mjedisit flasin për lajme pozitive ndërsa ato të zymta përhapen rreth COVID-19.
“Për herë të parë në më shumë se 30 vjet, unë shoh qartë maja malesh me dëborë. Kjo është për shkak të një uljeje drastike të ndotjes së ajrit,” tha reporteri Paul Singh Nauli.
Pamje e mrekullueshme
Nauli thotë se banorët u përshëndetën me një pamje të jashtëzakonshme disa ditë më parë. “Fëmijët e mi më ftuan të ngjitem në taracë. Ishte një pamje e mrekullueshme. Ata kurrë më parë nuk kishin parë diçka si kjo”.
Ish-krikteri Harbhajan Singh ndau një foto të një vargmali nga taraca e e tij në Jalandhar. “Asnjëherë nuk mund ta imagjinoja se ishte e mundur. Kjo tregon qartë se çfarë ndotje i kemi bërë natyrës”, shkroi Singh.
Banorët vendas thonë se malet janë shumë të vështira për tu dalluar, përveç kur ndodhin reshje të mëdha në qytet me rreth 16,000 njësi industriale.
Jalandhar është ndër zonat më të ndotura në Punjab.
“Banorët e qytetit janë të befasuar me shpejtësinë me të cilën po rikthehet natyra e pastër”, tha oficeri i policisë së trafikut, Harvinder Singh.
“Ajri është shumë më i pastër, ndotja në lumenjtë lokalë dhe ujërat është ulur. Rrugët janë më të pastra dhe me më pak mbeturina. Jalandhar, e besoj edheqytetet e tjera indiane po duken më të gjelbërta dhe më të këndshme”, shtoi ai.
Lumenjtë u pastruan gjithashtu
Banorët e Pathankot, një qytet edhe më afër vargmalit, gjithashtu postuan foto të ngjashme në rrjetet sociale.
Ajri i pastër u ka dhënë lehtësim banorëve që vuajnë nga shqetësime të frymëmarrjes si astma.
“Tani shumë në mbrëmje shijojnë një filxhan çaj në taracat e tyre dhe vëzhgojnë majat e arta të malit në perëndimin e diellit,” tha Nauli.
India u futi karantinë në 24 mars, dukeurdhëruar 1.3 miliardë qytetarë të qëndrojnë në shtëpi.
Për shkak të masave të paraqitura, cilësia e ajrit është rritur në qytetet indiane, të cilat janë ndër më të ndoturit në botë.
Me mbylljen e shumicës së industrive, lumenjtë e njohur Jamuna dhe Ganges, u pastruan gjithashtu. /tesheshi.com/
