Shkalla e vetëvrasjes në mesin e punonjësve amerikanë është më e madhe tek meshkujt në ndërtim dhe miniera, dhe në mesin e grave në sektorët e argëtimit dhe mediave.
Nuk është papunësia por e kundërta, ajo që ka ndikuar në rritjen e shkallës së vetëvrasjeve në SHBA. Eshtë ky një konkludim pas një sondazhi të kryer së fundi nga autoritetet amerikane.
Sipas asaj çfarë kanë nxjerrë rezultatet, vetëvrasjet më të mëdha janë konstatuar në sektorin e ndërtimit dhe minierave, kjo sa u takon meshkujve, e sa u takon femrave, në sektorin argëtimit dhe medias.
Nga viti 2000 deri në vitin 2016, shkalla e vetëvrasjeve mes amerikanëve të moshës 16-64 vjeç është rritur me 34 për qind – nga 12.9 në 17.3 vdekje për 100,000 njerëz, sipas studimit nga Qendra për Kontrollin dhe Parandalimin e Sëmundjeve.
Norma më e lartë e vetëvrasjeve në mesin e njerëzve është shënuar në sektorët e ndërtimit dhe të minierave – me 43.6 vdekje në vitin 2012 në 53.2 vdekje për 100,000 punëtorë në vitin 2015.
Shkalla më e lartë e vetëvrasjes në mesin e femrave është në fushën e argëtimit, dizajnit, artit, mediave dhe sporteve – nga 11.7 vdekje në 2012 në 15.6 vdekje për 100,000 në vitin 2015.
“Duke pasur parasysh faktin se shumica e të rriturve kalojnë shumë kohë në punë, në vendin e punës është një pjesë e rëndësishme për të braktisur idenë e vetëvrasjes”, tha bashkë-autorja e studimit, Deborah Stone nga CDC në Atlanta.
Qëllimi i studimit nuk ishte për të përcaktuar nëse dhe sa lloje të veçanta punësimi ndikojnë në rrezikun e vetëvrasjes.
Studiuesit theksojnë se mungesa e kontrollit mbi punën dhe mungesa e një ndjenje sigurie në punë, mund të jenë faktorë që rrisin shanset vetëvrasëse.
Shumë faktorë jashtë vendit të punës mund të ndikojnë gjithashtu në rrezikun e vetëvrasjes, duke përfshirë problemet në sferën e ndjenjave, abuzimin me drogën, shëndetin fizik dhe mendor, problemet financiare dhe të ato ligjore – sqaron Stone.
“Disponueshmëria e armëve ka një ndikim të madh nëse mendimet për dhënien fund të jetës do të kthehen në realitet”, thotë Stone.
Armët mund të shpjegojnë një shkallë më të lartë të vetëvrasjeve në mesin e meshkujve sesa tek gratë, thotë Gary Namie, drejtor i Institutit të Inspektimit të Punës në Boise, Idaho.
Për të shqyrtuar normat e vetëvrasjeve sipas llojit të punës, CDC analizoi të dhënat nga 17 vende në vitet 2012 dhe 2015.
Rezultatet sugjerojnë se punëdhënësit mund të luajë një rol në parandalimin e vetëvrasjes duke ofruar program relaksimi në punë dhe nxitjen e përdorimit të psikologëve dhe trajnimin e punonjësve për të njohur shenjat paralajmëruese të rrezikut të vetëvrasjes dhe përgjigjet për ta – thotë Stone.
Promovimi ndërveprim shoqëror dhe jo izolimin në detyrat e përditshme në punë, mund të ndihmojë në parandalimin e vetëvrasjes, së bashku me krijimin e kulturës së punës – thotë Namie.
“Rruga drejt vetëvrasjes fillon kur një punonjës fillon një fushatë të pashpjegueshme dhe sistematike të shkatërrimit ndërpersonal të një punonjësi tjetër”, argumenton Namie. /tesheshi.com/
