Amnesty International India ka thënë se do të pezullojë aktivitetin në vend, për shkak të “gjuetisë së vazhdueshme të shtrigave” të qeverisë nacionaliste hinduse të Indisë.
Grupi i të drejtave të njeriut deklaroi se qeveria e kryeministrit Narendra Modi ngriu llogaritë e zyrës së saj indiane, duke e detyruar atë të pushonte nga puna punonjësit dhe të ndalonte fushatat dhe hulumtimet në këtë vend aziatik.
“Presionet e vazhdueshme mbi Amnesty International India gjatë dy viteve të fundit dhe ngrirja e llogarive bankare nuk janë aksidentale,” tha Avinash Kumar, CEO i Amnesty International India, në një deklaratë të martën.
“Ngacmimi i vazhdueshëm nga agjencitë shtetërore është rezultat i thirrjeve tona të qarta për transparencë në qeveri, së fundmi dhe për përgjegjësinë e policisë në Delhi, si dhe qeverisë indiane për shkelje serioze të të drejtave të njeriut në trazirat në Delhi dhe Jammu dhe Kashmir,” shtoi ai. /tesheshi.com/
